Umeen urtebetetzeak nola ospatu?

Kaixo egun on!!!

Gaurko osteguna, abesti batekin hasiko dugu... baina abesti dibertigarri batekin.

Gaurko saioan zera jorratuko dugu... umeen ospakizunetan zer egin? Guraso askok eta askok arazo larriak dituzte akerauketa honekin...

Hona hemen proposamen batzuk!

ETXEAN: hau da aukerarik merkeena eta tradizionalena ere, halere, gurasoei lan gehien ematen diena.Izan ere, dena antolatu, apaindu behar dute… eta jaia amaitzean, hori jaso. Hau guztia bada ere, arazo handienetarikoa izaten da espaziorik eza. Egiatan, hamar ume (gutxienez) etxe batean, denbora luze batez gauza zaila izan daiteke, eta arazoak sor ditzake. Aukera honen kostua, gutxi gora behera 50-60 euro bitartean egon daiteke… aldaketak egonda ere.Hortik aparte, zerbait gehiago gehitu nahi bazaio garestiagoa izango da.

            Bakoitzak prestatu beharrean, KATERING zerbitzua kontrata daiteke.Gainera, haiek garbitzen dute dena. Edota, haurrentzako ANIMAZIO ENPRESA zerbitzua kontrata daiteke: txotxongiloak, pailazoak, jolas eta guzti.

JANARI AZKARREKO ESTABLEZIMENDUA. Ospakizuna etxetik kanpo egiten bada, hauxe da aukerarik merkeena. Hanburgesa edo pizza, patatak, freskagarriak, tarta eta jostailuak opari, jolastokia, animazioa edo gozo-eltzea (aukerak aldatzen dira establezimendu batetik bestera) erdiesteko modukoak dira, haur bakoitzeko bosna euro (gutxienez) gastatuz gero.

Argazkiaren jatorria

HAUR-PARKEAK. Haurrak nahi erara saltoka eta brinkoka aritzeko etxean nahiko espaziorik izan ezean, aukera polita dira honelakoak. Abantaila nagusia: umeaz gozatzeko aukera izango dute gurasoek eta inbitatuek, ondoren pisu osoa hainbat ordutan garbitu beharraz kezkatu gabe. Haur-parke espezializatuetan boladun kaiolak, txirrista eta beste hamaika aparatu izaten direnez, haurrek hor badute arriskurik gabe dibertitzeko bidea, monitore baten zaintzapean. Horrelako festetan anfitrioiari koroa eta oparia entregatzen zaizkio eta, horrez gainera, inbitatu bakoitzari freskagarri eta ogitarteko bana, patata frijituak, kakotxoak eta elementu behinena: urtebetetze-ospakizuneko tarta, bere kandela eta guzti. Parke batzuetan pailazoak, gozo-eltzea, karaokea eta dantza izaten da haurrentzat. Prezioak astegunaren arabera aldatzen dien arren, zerbitzu hau kontratatzea 8 eta 15 euro artean kostatzen da, haurreko. Beste ohartarazpen bat: honelako ospakizunetan establezimenduek gehienez ere hamar haur onartzen dituzte.

JOLAS-PARKEA. Norian eta errusiar mendian gora eta behera ibili ondoren, askaria hartzea 13 eta 22 euro artean kostatzen da, haurreko. Prezio batetik besterako aldea ezartzen dute parke batzuek, haurren altueraren arabera: altuenak garestiago ordaintzen du.

BESTELAKOAK: Ikastetxea. Ikastetxe askok ikasleentzako urtebetetze-ospakizunak antolatzen dituzte: honelakoetan, bat baino gehiago egin daitezke batera eta, gainera, haurrak ez du lekualdatzen ibiltzeko beharrik. Festako 150 euro inguru baizik kobratzen ez dituzten arren, ikastetxekoak ez diren inbitatuek beste bost bat euroren "isuna" ordaindu behar izaten dute. Haurrentzako diskoteka. Karaokea, dantza, antolatutako jolasak, magoak edo antzerkia, aperitiboak, sandwichak, freskagarriak eta tarta. Hori dena, 10 eurotik aurrera, haur bakoitzeko.

Zer egin

ü  Inbitatuak eta anfitrioiaren arteko komunikazioa sustatzea.

ü  Bai gonbidatuek, bai protagonistak ere, lagunaren etxera edo parkera zertara joan diren argi eta garbi eduki behar dute:. Bidezkoa da, era berean, beraien artean elkarrizketa sustatzea ere, adiskidantza preziatzen eta balioztatzen has daitezen.

ü  Festa antolatzeko tokiaz erabakia hartzeko unean izan kontuan lekuak zabala ez ezik, inbitatu guztien arteko komunikazioa bideratzeko egokia ere izan behar duela.

ü  Eskura duen guzti-guztian parte aktiboa hartu behar du protagonistak, gurasoen zaintzapean, ezinbestez. Haurra izan daiteke dekorazioaren arduraduna: ?zorionak", "urte askoan" edo antzeko esakuneak agertzen dituzten kartoiak eta marrazkiak, lagunen artean banatu beharreko karamelu zorroak? Hori ospakizun egunean ere praktikan jarri ahal izango du, gonbidatu guztiekiko.

Egunero gurasoek argudiatzen dituzten estres eta denbora-faltak ez dute aitzakia izan behar umearentzako urteko festarik garrantzitsuena den hori aurrez prestaturiko gertakizun estandar inpertsonal eta partaidetzarik gabekoa bihurtzeko.

Zer EZ egin 

ü    Aukeratutako tokia goi-goi mailakoa izateak ez du garrantzirik. Garrantzi handia duena, ordea, inbitatu ditugun haurrek harreman ona izatea da.

ü  Izan kontuan urtebetetze-ospakizun horretako helburu nagusietako bat ongi pasatzea dela baina horrek ez du esan nahi inola ere umeek bere kasa bildu eta taldetxoak eginik jolastu behar dutenik. Horrelakoetan oso litekeena da festako protagonistak edo gonbidaturen batek bere burua diskriminatua sentitzea.

ü  Hobe da egun ori ospatzeko jende asko biltzen duten tokiak ez aukeratzea; Zaratak, maiz, haurrek eta gurasoek elkar ezagutzeko beharrezkoa den gertutasun giroa lortzea galarazi egiten du.

ü  Bertan egingo dena urtebetetze-ospakizuna dela adieraziko duten berariazko elementuak ez dauzkan tokia hautatzea ere ez da komeni